وصفتنا اليوم هي العجينة المورقة او la pate feuilleteé
المقادير
1 كيلو ديال الطحين الممتاز
750 غرام ديال الزبدة
5 غرام ديال الملحة
شوية ديال السكر
الماء لجمع العجينة
الطريقة
كنديرو حفرة فالطحين نديرو الملحة والسكر ونزيدو الماء شوية بشوية حتى تتجمع لينا العجينة
كنخليوها ترتاح 30 دقيقة قبل ما نبداو عملية الطي او le tourage
من بعد كنخدو العجينة نحلوها فالوسط ونحطو فيها الزبدة للي عندنا كاملة ونجمعو عليها العجينة
طريقة العجينة المورقة
[ندعوك للتسجيل في المنتدى أو التعريف بنفسك لمعاينة هذه الصورة]كنطلقو العجينة
كنطويوها من اليمين حتى للوسط ومن الشمال حتى للوسط ثم كنهزو الطوية للي
على ليمن ونحطوها على الطوية ديال الشمال كيولي عندنا مستطيل نخليوه يرتاح
شوية ثم كنعاودو نطلقوه ونعاودو العملية الاولى
كنعملو هاد العملية 5 ديال المرات
[ندعوك للتسجيل في المنتدى أو التعريف بنفسك لمعاينة هذه الصورة]ثم كنطلقو العجينة ديالنا مزيان ونقطعوها على الشكل للي بغينا
نقدرو نديرو بيها البالميي او الجالوزي او اي شكل اخر واليوم غادي نديرو الجلوزي اضافة الى شكل اخر ونخليكم مع الصور
[ندعوك للتسجيل في المنتدى أو التعريف بنفسك لمعاينة هذه الصورة]لحشو العجينة المورقة نحتاج الى:
الحشوة الاولى :فرانشي بان
كنحتاجو 500 غرام اللوز
500 غرام السكر
5 بيضات
كنطحنو اللوز بقشرتو مع السكر ونزيدو الساشي ديال فاني ونجمعوه بالبيض
الحشوة الثانية لاكريم باتسيير وسبق لي حطيتها مع الشنيك
وهذه صور لاعداد الجالوزي
[ندعوك للتسجيل في المنتدى أو التعريف بنفسك لمعاينة هذه الصورة]ملي كتحمر كنخرجوها من الفران ندهنوها بالنباج او كنفتور جارية ونرشو الجناب ديالها بالكوك ونقطعوها ونقدموها وبالصحة والراحة
[ندعوك للتسجيل في المنتدى أو التعريف بنفسك لمعاينة هذه الصورة]
المصدر: افاق مغربية