ifni عضو مميز
عدد الرسائل : 144 مقر العمل : sidi ifni
| موضوع: طارط بالحامض الأحد مايو 15, 2011 7:22 pm | |
| اليوم ان شاء الله غادي نقدم ليكم طارط بالحامض ميرانكي بشكل جديد ومميز نبداو على بركة الله غادي نحتاجو عجينة الصابلي او العجينة الحلوة Pâte Sucrée
العجينة الحلوة المقادير ديالها كالتالي
250 الطحين
100 غرام السكر كلاصي
100 غرام الزبدة
قبصة ملح
1 بيضة
شوية ديال الفاني
[ندعوك للتسجيل في المنتدى أو التعريف بنفسك لمعاينة هذه الصورة]
كيفما لاحظتو ملي طلقنا العجينة تقبناها ودرناها فالمول وغطينها بورق الالومنيوم من بعد نعمروها بكاوكاو او الحمص وندخلوها للفران حتى تطيب من بعد نخويو الكاوكاو و نحيدو ورق الالمنيوم ونكملو باقي المراحل بالصور
[ندعوك للتسجيل في المنتدى أو التعريف بنفسك لمعاينة هذه الصورة]
Appareil au citron:
3 حامضات غنحتاجو العصير والقشرة محكوكة ديالهم
3 بيضات
150 غرام السكر كلاصي
30 غرام الزبدة
الطريقة
كناخدو كاسرولة ونديرو فيها العصير ديال الحامض و القشرة ديالو محكوكة و السكر
و البيضات و نضربوه شوية ثم نحطوه فوق العافية ونبقاو نحركوه بملعقة خشبية حتى يبدا يغلى
و نزيدو عليه الزبدة ونحيدوه من فوق العافية و نخليوه يبرد
Meringue:الميرانك
5 بياض البيض
250 غرام السنيدة
كنطلعو البيض ديال البيض مع السكرحتى يتجمد
كنعمرو العجينة ديالنا بلاكريم ديال الحامض وندخلوها للفران مدة 15 دقيقة و نخرجوها
كناخدو الميرانك نديروه فكيس حلواني ونحاولو نزوقو بيه لاطارط ديالنا و نخليكم مع باقي المراحل بالصور
[ندعوك للتسجيل في المنتدى أو التعريف بنفسك لمعاينة هذه الصورة]
كنضربوها بالشاليمو او ندخلوها للفران التحت باش تاخد شوية اللون قهوي
[ندعوك للتسجيل في المنتدى أو التعريف بنفسك لمعاينة هذه الصورة]
النتيجة النهائية وبالصحة و الراحة
[ندعوك للتسجيل في المنتدى أو التعريف بنفسك لمعاينة هذه الصورة]
المصدر: افاق مغربية | |
|