ifni
عضو مميز
عدد الرسائل : 144
مقر العمل : sidi ifni
 | موضوع: كيك بالكركاع ساهل وحصري  الأحد مايو 15, 2011 7:27 pm | |
| الكيك للي غنصوبوه اليوم ان شاء الله ساهل ولذيذ وشكلو مميز
المقادير لصنع 2 كيكات
5 البيضات
450 غرام السكر
نصف لتر ديال الزيت
3 خميرات الزا
750 غرام الطحين
1 كاس ديال عصير البرتقال
لاروم ديال البرتقال
1 معلقة كبيرة بودر كاكاو
200 غرام كركاع مهرمش
كنضربو البيضات مع السكر حتى يبدا يبياض
كنزيدو العصير ولاروم ونزيدو نضربو شوية ثم
نزيدو الزيت ونخلطو شوية ثم نزيدو الطحين والخميرة و الكركاع نخلطو مازال شوية
كنخدو شوية من العجينة ونزيدو عليها معلقة ديال البودر كاكاو
كنعمرو 2 مولات طوال او دوائر للي عندنا بالعجينة البيضاء ونقسمو عليهم
العجينة للي زدنا عليها البودر كاكاو و ندخلوها للفران والعافية تكون من
التحت فقط وما نحلوش عليه الفران حتى تدوز 10 دقايق الاولى باش ما يطيحش
ملي يشد راسو مزيان و بدا كيتحمر كنشعلو عليه من الفوق باش يتحمر
ونخليكم مع باقي المراحل بالصور
[ندعوك للتسجيل في المنتدى أو التعريف بنفسك لمعاينة هذه الصورة]
مللي يطيب نخليوه يبرد ونغطيوه بالشكلاط بيضة ونزوقوه بالشكلاط كحلة و نرشوه بالكركاع مهرمش والطريقة بالصور
[ندعوك للتسجيل في المنتدى أو التعريف بنفسك لمعاينة هذه الصورة]
ملي تنشف الشكلاط نقطعوها وبالصحة والراحة
[ندعوك للتسجيل في المنتدى أو التعريف بنفسك لمعاينة هذه الصورة]
المصدر: افاق مغربية | |
|
