وصفتنا اليوم هي الشنيك و العجينة ديالو ما كتختلفش على عجينة البتي بان نخليكم مع المقادير
للاشارة الصور لاعداد 2 كيلو ديال العجين اما المقادير فهي لاعداد 24 قطعة فقط بسم الله نبداو
500غراام الطحين الممتاز
20 غرام خميرة عجينة
80 غرام السكر
5 غرام ملحة
250 غرام الزبدة للتوراق
250 حتى ل300ملل ديال الماء دافء
اصفر بيضة للدهن مع شوية ديال الماء
فواكه معسلة او الشكلاط pepite de chocolat
كريم باتيسيير
مقادير وطريقة الكريم باتيسيير
1 لتر حليب
100 غرام مايزينا او بودر اكريم
200 غرام السكر
4 صفر ديال البيض
ساشي فنيلا
كنديرو الحليب فكاسرولة فوق النار
كنخدو اناء كنديرو فيه الصفر ديال البيض و السكر والفاني و نخلطوهم مزيان و نزيدو عليهم مايزينا او بودرا اكريم و نضربوهم مزيان
مللي يسخن الحليب ديالنا مزيان كناخدو منو مقدار كاس نزيدوه على الخليط للي
عندنا ديال البيض ونضربوه مزيان بالضراب ثم نضيفوه على باقي الحليب
الساخن وننخلطوه مزيان ونردوه فوق العافية ونبقاو نخلطوه حتى يشد راسو
مزيان و نحيدوه من فوق النار ونخويوه فشي اناء ونخليوه يبرد مزيان قبل ما
نستعملوه
الطريقة ديال الشنيك
في العجانة نضع الطحين كناخدو اناء كنخلطو فيه السكر والملحة والخميرة ونزيدوهم على الطحين ونخليوها تتخلط مزيان
ونخليكم مع المراحل بالصور المفصلة واي استفسار انا رهن الاشارة
[ندعوك للتسجيل في المنتدى أو التعريف بنفسك لمعاينة هذه الصورة]من بعد هاد العملية كنعاودو نطويو العجين ونخليوه يرتاح ثم نعاودو نطلقوه
كنعاودو هاد العملية 3 ديال المرات و ما تنساوش ترشو مكان العمل بالطحين كل
مرة
كنطلقوه المرة الاخيرة و نخليكم مع باقي المراحل بالصور
[ندعوك للتسجيل في المنتدى أو التعريف بنفسك لمعاينة هذه الصورة]ملي نكملو تشكيل العجينة كنصففو الشنيك
فالاطة للي غتدخل للفران نخليوها تخمر ثم ندهنوها بالبيضة مخلطة مع شوية
ديال الماء و ندخلوها للفران على درجة حرارة 200 ونكونو سخناه من قبل
ونخليوها تطيب لمدة 15 حتى ل20 دقيقة ونخليكم مع باقي الصور
[ندعوك للتسجيل في المنتدى أو التعريف بنفسك لمعاينة هذه الصورة]النتيجة النهائية ان شاء الله تعجبكم وتجربوها و بالصحة والراحة
[ندعوك للتسجيل في المنتدى أو التعريف بنفسك لمعاينة هذه الصورة]
الأحد مايو 15, 2011 7:16 pm