موضوع: ماركة بينيفت (( لكل من ترغب بالانوثة المتفجرة )) الأربعاء نوفمبر 17, 2010 6:39 pm
حبيباتي في منتداي الراااااائع صباح / مساء الخير
اليوم ان شاء الله راح اتكلم لكم عن ماركة رووووووووووعة كلمة قليلة عليها بصراحة منتجاتها عجييييبة وتوفي كل احتياجات الانثى ... ادري قرقت كثير بس يله نبدأ بالمنتجات وتقييمي للمنتجات اللي جربتها بس :
أولا : الميك أب ... هذا كريم اساس متوفر بعشر درجات وتغطيته متوسطة وهو مناسب للبشرة اللي ما فيها مشاكل كثيرة... ويعطي لمسة مخملية طبيعية ... انا احطه حق البيت او اذا كنت بسوي مكياج طبيعي تقييمي له 8 من 10
هذا المنتج يعتبر كريم اساس خفيف بلمعة حلوة على لون مايل للبرونزي وحلو للصيف... بصراحة صديقتي جربته تمدحه للتان والبرونزاج تقييمي له 8 من 10 هذا الكريم كلمة روعة شوية عليه عندي منه ... بصراحة يعطي لمعة عجيييبة واضاءة حلوة للوجة يستعمل مع كريم الاساس على اماكن معينة او على كامل الوجه تقييمي له 10 من 10
وكريم الاساس هذا مناسب للبشرة الجافة لانة كريمي .. وتغطيتة حلوة وعملي الاستخدام تقييمي له 7 من 10
هذا كونسيلر يقولون بالمحل انه يغطي العيوب مية بالمية بس لما جربته ما عجبني احسه خفيف ولا يغطي كل العيوب تقييمي له 6 من 10 وفيه نفس العلبه بودرة حليوة بس ما جربتها هذا سيت للكونسيلر واللمعات معاه ... حلو بس عيبه ليمتد اديشن يعني ممكن تلقينه وممكن ما تلقينه
هذا المنتج عجييييييييييييييييب لما تحطينه قبل كريم الاساس يخلي الوجه صافي ولا فيه ندوب ولا فراغات ولا مسام يعني يخلي الوجه شمعي والكريم يطلع صافي وصبه وحدة تقييمي 10 من 10
وهذا سيت كامل ( كريم اساس وكونسيلر وبيس للوجه مع بيس للعيون )) .... ليمتد اديشن وما حصلته
هذا لمعه للمكياج .. عجيييييييييييبة وتستاهل سعرها ومثل منتو شايفين ماخذ المركز الاول في منتجات التجميل 2008 تقييمي 10 من 10 هذا مرطب حلو لشفايف وممكن استعمالة على الخد كبلاشر بس بصراحة بالبيت انا استخدمه لحاله عجيييييييييييييب يعطي لون احمر فاتح كانه تاتو وكأنه لون شفايفك الصجي .. يعني اللي تبي اللوك الطبيعي مالها الا هذا كحمرة تقييمي 9 من 10
هذا كحل اسودوفيه الوان ازرق وبني بس والله ما جربته
هذا ينفع للي تبي تسوي تان او لوك برونزي للتغيير تحطينه على كريم الاساس يعطي لمعه برونزيه .. ما جربته بعد هذا بيس للعيون علشان يثبت لون الشدو .. ما جربته
هذا يعطي لمعه لؤلؤية للوجه يعني يعتبر لمسة نهائية للمكياج ... ما ادري ما عجبني وتقييمي له 7 من 10
هذا قلم كحل داخل وخارج العين ويصلح تسوين فيه اللوك السموكي ... بصراحة احلى ما فيه الفرشاة اللي فوق تدمج اللون عدل وتخليه سموكي مضبوط تقييمي 7 من 10
مسكرة وفيه الوان اسود وازرق وبني ... بس بصراحة مو حلوة انا جربتها بالمحل ما عجبتني تقييمي لها 6 من 10
هذا السيت صرااااحة عجييييييييييييب حق اللوك السموكي ويستاهل المدح اللي عليه وعلى فكرة ماخذ في الحل التوب سيلر وتقييمي له 9 ونص من 10 هذا سيت للحواجب .. بصراحة لك عليها يعني الوانها مو ثابته حيييل ويتكون من الوان للحاجب والوان لتحت الحاجب .. بس حق اللوك الطبيعي وحق البيت حلوة ومناسبة تقييمي لها 7 ونص من 10
هذا مثبت للشدو .. ومبين من اسمه (( اثبت ولا تسيح )) بصراحة اول ما لفت انتباهي اسمه وجربته وعجبني .. تقييمي 7 ونص من 10
هاذي مجموعة من قلوساتهم ... عجيييييييييييييبة والوانها ثابته ومشرقة والصورة الثانية حمرة وملمع معاها ...تقييمي 10 من 10 هاذي الحمرة بالذاااااات خياااااااااااااااال ... واسمها (( حمرة الذروة )) بصراحة يعجبني الاسم وبعدين اجرب بس هالحمرة عجيييييييييييييبة تقييمي 10 من 10
وهالحمرة ماخذة التوب سيلر بالمحل وحاطه عيني عليها في الخطة الجاية ان شاء الله لونها مووووووووووت
هذا بلومبر للشفايف .. يعني يتفخ الشفايف ولونه بيج يعني ينحط قبل الحمرة بس بصراحة خرطي اشتريته بدون تجربة وللاسف طلع على قولتهم فشنك تقييمي صفر من 10
هذا بلشر ( دانديلون ) عجييييييييييييييييب ولونه خيااااااااال والثاني بلشر ( دالاس ) احلى بلشر عندهم ولونه غريييييييييييييييييب لا تشوفونه غامق هني بالمحل لونه رايق وحلو تقييمي لهم 8 من 10
هذا بلشر خاص بنحت الوجه ... رووووووووووووووعه للنحت بصراحة يستاهل سعره وعلى فكرة بالمجلة كاتبين ان مبيعاته خيالية في لبنان ... تقييمي له 9 من 10
ثانيا : المنتجات الزوجية اللي جربتها ...
طبعا اكثركم يتذكرون هالكريم في موضوعي حق المسابقة .. يعني لو بتكلم عنه مني للصبح ما اخلص ... باختصار (( كريم حق الليالي الخاااااااصة ))
هذا المنتج رهيييييييييييب... لمعه للجسم وبالخص اللي تبي تلبس قصييييييير انصحها فيه بصراحة عذااااب ويوحد اللون ويعطي لمعه خفيفة وحلوة وكنه لونك الطبيعي .. تقييمي 10 من 10
هاذي بودرة برونزية حق الليالي الخاصة ... تعطي الوجه لمعه وسحنه حلوة باختصاااار عذااااااااااااب وشوفوا اسمه ما اقدر اترجمه ... تقييمي 9 من 10
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 528x423.
هذا العطر (( ميبي بيبي )) ريحته باااااااااااردة وعجيييييييييبة ويصلح حقك بالغرفة يعني ... ريحته بصراحة تسطل تقييمي 10 من 10 وهذا القديم منه متوفر في بعض المحلات
أخييييييييرا :
اتمنى اكون كفيت ووفيت في شرح هالماركة الحلوة والراقية للانثى المتفجرة انوثة ...
الأربعاء نوفمبر 17, 2010 6:39 pm
