ifni
عضو مميز
عدد الرسائل : 144
مقر العمل : sidi ifni
 | موضوع: قطبان لداند مشرملين مع سلطة خفيفة ظريفة لمحبات الرشاقة  الجمعة يوليو 23, 2010 5:46 pm | |
| السلام
عليكم حبيباتي بدا الحال كيسخن ماشاء الله
وبدينا نقلبو على شهيوات خفاف ظراف يليقو لهاد الصهودات
[ندعوك للتسجيل في المنتدى أو التعريف بنفسك لمعاينة هذه الصورة]
و هذا طبق ساهل ماهل و سريع التحضير
يليق لوجبة الغذاء كيف العشاء
المقادير :
سدر بيبي مقطع مكعبات و مشرمل
(انا كنشريه واجد بشرمولتو و كنزيد نشرملو باش تزيد البنة)
للسلطة و التزيين و
التتبيل
مطيشة خيار خص
ملح
ابزار
ربيع
كامون
خل
زيت
الطريقة :
سهلة و سريعة
حتى لو كانت قطبان لاداند مشرملة
كنزيدها شرمولة:
[ندعوك للتسجيل في المنتدى أو التعريف بنفسك لمعاينة هذه الصورة]
رشة زيت، رشة ملح، رشة ابزار، ملعقة كامون، ربيع مفروم، و كنخلطها و
نستفها فالقطبان و ندخلها للثلاجة
و نخليها تتخمر و تشرب التوابل
لما كيقرب وقت الاكل كنسخل الشواية
( اما شواية اللحم، او شواية البانين)
[ندعوك للتسجيل في المنتدى أو التعريف بنفسك لمعاينة هذه الصورة]
و كندير قطيباتي يتحمرو
وكنوجد سلطة خفيفة كنفرشها فاطباق التقديم
خص و مطيشة و خيار او فڭوس و كنتبلهم بشوية ملح و خل و ابزار على خفيف
و نزين بيها الطبق
التقديم:
[ندعوك للتسجيل في المنتدى أو التعريف بنفسك لمعاينة هذه الصورة]
بعد مينضجو القطيبات
كنقدمهم فالحين فاطباق السلطة
بدون خبز ههههه
[ندعوك للتسجيل في المنتدى أو التعريف بنفسك لمعاينة هذه الصورة]
للي بغات تغمس تكثر الشرمولة و تزيد عليها مطيشة و تشحرها
[ندعوك للتسجيل في المنتدى أو التعريف بنفسك لمعاينة هذه الصورة]
و نقدمهم بالصحة و الراحة
نصيحة:
لحم القطبان سواء كان لحم او دجاج او داند او سمك... ،
كيبغي يتخمر فالشرمولة داخل الثلاجة
باش يتشرب التوابل و يجي طري و بنين ،
لذلك وجدوه بساعات من قبل الطبخ،
احسن شي يبات باش كيجي بنين ،
و متكثروش ليه الطياب، باش ميجيش ناشف و صعب فالاكل
وطبعا الطياب كيكون قبل التقديم مباشرة لان اللحوم لما كتبرد كيصعاب مضغها و
بالتالي هضمها
| |
|
